ຈີນເຜີຍຄລິບໃໝ່ ຍານ ‘ສາງເອີ໋-4’ ຖ່າຍພາບດ້ານມືດເທິງດວງຈັນ

279

ອົງການບໍລິຫານອາວະກາດແຫ່ງຊາດຈີນ ເຜີຍຮູບພາບ ແລະ ຄລິບຊຸດໃຫມ່ ຂອງຍານ “ສາງເອີ໋-4”  ແລະ ຍານຫຸ່ນຍົນ “ຍະວີ່ທູ່-2” ເຊິ່ງລົງຈອດເທິງດ້ານມືດຂອງດວງຈັນສໍາເລັດ ເມື່ອຕົ້ນເດືອນນີ້ ລວມເຖິງພາບທີ່ຍານທັງສອງລໍາຖ່າຍກັນເອງດ້ວຍ.

ในภาพอาจจะมี ข้อความ และสถานที่กลางแจ้ง

picture from AP

ສໍານັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນເສົາ ທີ 12 ມັງກອນ ວ່າ ອົງການບໍລິຫານອາວະກາດແຫ່ງຊາດຈີນ (CNSA) ລາຍງານສະຖານະຍານຫຸ່ນຍົນ “ຍະວີ່ທູ່-2” ຫຼື “ກະຕ່າຍຢົກ-2” ເຊິ່ງເດີນທາງໄປກັບຍານ “ສາງເອີ໋-4” ທີ່ສ້າງປະວັດສາດເປັນວັດຖຸ ທີ່ສ້າງໂດຍມະນຸດຊິ້ນທໍາອິດທີ່ສາມາດລົງຈອດບໍລິເວນພື້ນທີ່ຫ່າງໄກ ຫຼື ດ້ານມືດ ຂອງດວງຈັນ ເມື່ອວັນທີ 3 ມັງກອນ ທີ່ຜ່ານມາ ຫຼັງອອກເດີນທາງໄປຈາກໂລກ ເມື່ອຕົ້ນເດືອນທັນວາ ປີທີ່ຜ່ານມາ ວ່າ ຍານທັງສອງລໍາ “ຢູ່ໃນສະພາບສົມບູນ”.

ไม่มีคำอธิบายรูปภาพ

ຂະນະດຽວກັນ ນອກເໜືອຈາກຍານສາງເອີ໋-4 ເຊິ່ງເປັນຍານເຮັດໜ້າທີ່ລົງຈອດ ເຊິ່ງໄດ້ຕັ້ງຊື່ຕາມເທບທິດາແຫ່ງດວງຈັນ ຕາມຄວາມເຊື່ອຂອງຊາວຈີນ ແລະ ຍານຫຸ່ນຍົນສໍາຫຼວດຍຍະວີ່ທູ່-2 ເລິ່ມພາລະກິດສໍາຫຼວດພື້ນທີ່ຂອບເຂດສ່ວນຂົ້ວໃຕ້ຂອງດວງຈັນ ແລ້ວຍັງທະຍອຍສົ່ງທັງຮູບພາບ ແລະ ພາບເຄື່ອນໄຫວກັບມາຫາສູນປະຕິບັດການທີ່ໂລກຢ່າງຕໍ່ເນື່ອງ ລວມເຖິງການທີ່ຍານທັງສອງລໍາໄດ້ປ່ຽນກັນຖ່າຍພາບກັນເອງດ້ວຍ.

ในภาพอาจจะมี 4 คน
picture from AP

ທັງນີ້ ຍານສາງເອີ໋-4 ແລະ ຍານຍະວີ່ທູ່-2 ຖືເປັນຄວາມສໍາເລັດດ້ານພາລະກິດການສໍາຫຼວດດວງຈັນເປັນຄັ້ງທີ 2 ໃນຮອບ 6 ປີ ຂອງຈີນ ທີ່ປະສົບຄວາມສໍາເລັດໃນການລົງຈອດເທິງດວງຈັນຕໍ່ຈາກຍານສາງເອີ໋-3 ເຊິ່ງພາຍານຫຸ່ນຍົນສໍາຫຼວດຍະວີ່ທູ່-1 ເດີນທາງໄປດ້ວຍ ເມື່ອປີ 2013 ແຕ່ພາລະກິດສໍາຫຼວດດວງຈັນ ໃນຄັ້ງນັ້ນ ຍັງເປັນການສໍາຫຼວດພື້ນຜິວຂອງດວງຈັນດ້ານທີ່ປິ່ນມາຫາໂລກ (ດ້ານແຈ້ງ).

ไม่มีคำอธิบายรูปภาพ

ຍານສາງເອີ໋-4
ในภาพอาจจะมี สถานที่กลางแจ้ง

ຍານຫຸ່ນຍົນສໍາຫຼວດຍະວີ່ທູ່-2