ວັນທີ 8-13 ມັງກອນ ພາກເໜືອ ຈະມີຝົນຕົກ

335

ພາກເໜືອດ້ານຕາເວັນຕົກ ໄລຍະວັນທີ 8-10 ມັງກອນ 2019 ອາກາດຍັງຈະໜາວເຢັນ ພ້ອມມີໝອກບາງປົກຫຸ້ມຢູ່ທົ່ວໄປ ແລະ ມີໝອກໜາປົກຫຸ້ມຢູ່ເຂດພູສູງ, ຮ່ອມພູ, ຈະມີຝົນຕົກຟ້າຮ້ອງໃນລະດັບຄ່ອຍ ຫາ ປານກາງຢູ່ບາງທ້ອງຖິ່ນແຂວງຫຼວງນໍ້າທາ, ອຸດົມໄຊ, ບໍ່ແກ້ວ ແລະ ໄຊຍະບູລີ. ອຸນຫະພູມຕໍ່າສຸດ 18-20 ອົງສາ ແລະ ສູງສຸດ 28-30 ອົງສາ ຈາກນັ້ນວັນທີ 11-13 ມັງກອນ 2019 ອາກາດຈະເຢັນ ຫາ ໜາວເຢັນ ພ້ອມມີໝອກບາງປົກຫຸ້ມຢູ່ທົ່ວໄປ ອຸນຫະພູມຕໍ່າສຸດ 17-19 ອົງສາ ແລະ ອຸນຫະພູມ ສູງສຸດ 28-30 ອົງສາ.

ສະພາບອາກາດໂດຍລວາມ ໄລຍະຕົ້ນອາທິດ ວັນທີ 8-13 ມັງກອນ 2019 ຄວາມກົດດັນສູງຂອງອາກາດໜາວເຢັນຈາກປະເທດຈີນ ຍັງສືບຕໍ່ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງອ່ອນຫາປານກາງ, ສົມທົບກັບກະແສລົມຕາເວັນອອກ ພັດປົກຄຸມເປັນສ່ວນໃຫຍ່ ເຊິ່ງຈະເຮັດໃຫ້ໄລຍະວັນທີ 8-10 ມັງກອນ 2019 ຈະມີຝົນຕົກຟ້າຮ້ອງໃນລະດັບຄ່ອຍຫາປານກາງ ຢູ່ບາງທ້ອງຖິ່ນຂອງແຂວງພາກເໜຶອ ແລະ ອາກາດຍັງຈະໜາວເຢັນຢູ່ ເຂດພູສູງ, ຮ່ອມພູ, ແຂວງໄຊສົມບູນ ແລະ ເຂດພູພຽງບໍລະເວນພ້ອມມີໝອກໜາປົກຫຸ້ມຢູ່ບາງທ້ອງຖິ່ນ.

ສ່ວນພາກກາງກາງ ແລະ ພາກໃຕ້ ອາກາດຈະເຢັນໃນຕອນກາງຄືນ ຫາ ຕອນເຊົ້າ ແລະ ມີໝອກບາງປົກຫຸ້ມຢູ່ທົ່ວໄປ ແລະ ຈະມີລົມພັດແຮງເປັນບາງໂອກາດຢູ່ບາງທ້ອງຖິ່ນ, ຈາກນັ້ນ ວັນທີ 11-13 ມັງກອນ 2019 ອຸນຫະພູມຈະເຢັນລົງເລັກໜ້ອຍໃນຕອນເຊົ້າ ສ່ວນກາງເວັນອຸນຫະພູມຈະສູງຂື້ນອີກ 2-3 ອົງສາ ຢູ່ໃນແຕ່ລະພາກ ແລະ ຈະມີລົມພັດແຮງຢູ່ບາງທ້ອງຖິ່ນ.

CR:Laoedaily