ພາສີການເດີນທາງຂາອອກຍີ່ປຸ່ນມີຜົນບັງຄັບໃຊ້ແລ້ວ

305

ນະໂຍບາຍຂອງລັດຖະບານຍີ່ປຸ່ນໃນການເກັບພາສີຂາອອກສໍາລັບນັກທ່ອງທ່ຽວ ແລະ ນັກທຸລະກິດ “ທຸກສັນຊາດ” ໃນອັດຕາຄົນລະ 1.000 ເຢນ ຫຼື ປະມານ 79 ພັນກີບ ມີຜົນບັງຄັບໃຊ້ຢ່າງເປັນທາງການແລ້ວ.

ສໍານັກຂ່າວຕ່າງປະເທດລາຍງານຈາກນະຄອນຫຼວງໂຕກຽວ ປະເທດຍີ່ປຸ່ນ ເມື່ອວັນຈັນ ທີ 7 ມັງກອນ ວ່າ ສໍານັກງານນາຍົກລັດຖະມົນຕີຍີ່ປຸ່ນອອກຖະແຫຼງການ ເມື່ອວັນຈັນ ວ່າ ການເກັບພາສີຂາອອກສໍາລັບນັກທ່ອງທ່ຽວ ແລະ ນັກທຸລະກິດທຸກຄົນ “ບໍ່ວ່າຈະຖືສັນຊາດໃດກໍ່ຕາມ” ທີ່ເອີ້ນວ່າ “ພາສີຊາໂຢນາຣະ” ຫຼື ຄ່າທໍານຽມການອອກຈາກແຜ່ນດິນ ໃນອັດຕາຄົນລະ 1.000 ເຢນ (ປະມານ 79.100 ກີບ) ມີຜົນບັງຄັບໃຊ້ຢ່າງເປັນທາງການແລ້ວ ເຊິ່ງລາຄາດັງກ່າວຈະລວມຢູ່ໃນເອກະສານຖ້ຽວບິນໂດຍອັດໂນມັດ ແລະ ມີຜົນກັບພົນລະເມືອງທີ່ມີອາຍຸ 2 ປີ ຂຶ້ນໄປ ແຕ່ສຳລັບຜູ້ໂດຍສານທີ່ແວະພັກປ່ຽນຖ້ຽວບິນທີ່ຍີ່ປຸ່ນພາຍໃນບໍ່ເກິນ 24 ຊົ່ວໂມງ ຈະໄດ້ຮັບການຍົກເວັ້ນ.

ในภาพอาจจะมี หนึ่งคนขึ้นไป และสถานที่กลางแจ้ง

ທັງນີ້ ລັດຖະບານຂອງນາຍົກລັດຖະມົນຕີຊິນໂຊະ ອາເບະ ຕັ້ງເປົ້າໝາຍເກັບພາສີດັ່ງກ່າວໃຫ້ໄດ້ 50 ຕື້ເຢນ (ກວ່າ 3.900 ຕື້ກີບ) ໃນປີງົບປະມານ 2019 ເພື່ອນຳໄປພັດທະນາລະບົບໂຄງສ້າງພື້ນຖານດ້ານການທ່ອງທ່ຽວທີ່ກ່ຽວຂ້ອງເຊັ່ນ ການປະຕິຮູບລະບົບກວດຄົນເຂົ້າເມືອງ ແລະ ການສ້າງກະແສການທ່ອງທ່ຽວເມືອງທົ່ວໄປຮອງຈາກເມືອງໃຫຍ່.

ในภาพอาจจะมี 1 คน, อาหาร

ອີກປະການໜຶ່ງ ສະຖິຕິນັກທ່ອງທ່ຽວຕ່າງປະເທດເຂົ້າສູ້ຍີ່ປຸ່ນ ເມື່ອປີທີ່ຜ່ານມາ ມີຫຼາຍກວ່າ 30 ລ້ານຄົນ ສູງທີ່ສຸດເປັນປະຫວັດການ ແລະ ລັດຖະບານຕັ້ງເປົ້າເພື່ອດຶງດູດນັກທ່ອງທ່ຽວໃຫ້ໄດ້ 40 ລ້ານຄົນ ໃນປີ 2020 ເຊິ່ງເປັນປີທີ່ນະຄອນຫຼວງໂຕກຽວເປັນເຈົ້າພາບຈັດການແຂ່ງຂັນໂອລິມປິກ ລະດູຮ້ອນພໍດີ.