ອາກາດບາງແຂວງກໍ່ເລີ່ມຮ້ອນແລ້ວ

340

ກົມອຸຕຸນິຍົມ ແລະ ອຸທົກກະສາດ ລາຍງານວ່າ: ສະພາບອາກາດ ຂອງວັນຈັນ ວັນທີ  07 ມັງກອນ 2019. ຄວາມກົດດັນສູງຂອງອາກາດໜາວເຢັນປະເທດຈີນ ຍັງສືບຕໍ່ມີກຳລັງປານກາງປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບກະແສລົມຕາເວັນອອກ – ຕາເວັັນຕົກ ພັດປົກຄຸມ. ເຊິ່ງຈະເຮັດໃຫ້ອຸນຫະພູມ ຍັງສືບຕໍ່ເຢັນ ຫາ ໜາວເຢັນ ພ້ອມມີໝອກໜາປົກຫຸ້ມຢູ່ທົ່ວໄປ ໃນແຕ່ລະພາກຕື່ມອີກ ແລະ ມີໝອກໜາປົກຫຸ້ມຢູ່ບາງທ້ອງຖິ່ນ ໂດຍສະເພາະຢູ່ແຂວງພາກເໜຶອ ເຂດພູສູງ, ຮ່ອມພູ, ແຂວງໄຊສົມບູນ ແລະ ເຂດພູພຽງບໍລະເວນ.

ພາກເໜຶອດ້ານຕາເວັນອອກ: ອາກາດຍັງສືບຕໍ່ໜາວເຢັນ ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ ແລະ ຈະມີຝົນຕົກຄ່ອຍຢູ່ບາງທ້ອງຖິ່ນຂອງແຂວງຫົວພັນ ແລະ ແຂວງຊຽງຂວາງ. ອຸນຫະພູມ ລະຫວ່າງ 09-20 ອົງສາ. ເຂດທີ່ມີອຸນຫະພູມຕໍ່າສຸດແມ່ນ ແຂວງຊຽງຂວາງ 14,9 ອົງສາ ແລະ ເຂດທີ່ມີອຸນຫະພູມສູງສຸດແມ່ນ ແຂວງຫົວພັນ ຢູ່ທີ່ 23 ອົງສາ.

ไม่มีคำอธิบายรูปภาพ

ພາກເໜຶອດ້ານຕາເວັນຕົກ: ອາກາດເຢັນ ພ້ອມມີໝອກໜາປົກຫຸ້ມໃນຕອນເຊົ້າ ແລະ ຈະມີລົມພັດແຮງເປັນບາງທ້ອງຖິ່ນເປັນບາງໂອກາດ. ອຸນຫະພູມ ລະຫວ່າງ 12-26 ອົງສາ. ເຂດທີ່ມີອຸນຫະພູມຕໍ່າສຸດແມ່ນ ແຂວງອຸດົມໄຊ 16,6 ອົງສາ ແລະ ເຂດທີ່ມີອຸນຫະພູມສູງສຸດແມ່ນ ແຂວງໄຊຍະບູລີ ຢູ່ທີ່ 30,4 ອົງສາ.

ไม่มีคำอธิบายรูปภาพ

ພາກກາງ: ອາກາດເຢັນ ຫາ ໜາວເຢັນ ພ້ອມມີໝອກບາງປົກຫຸ້ມທົ່ວໄປໃນຕອນເຊົ້າ. ອຸນຫະພູມ ລະຫວ່າງ 17-28 ອົງສາ. ເຂດທີ່ມີອຸນຫະພູມຕໍ່າສຸດແມ່ນ ແຂວງໄຊສົມບູນ 13.5 ອົງສາ ແລະ ເຂດທີ່ມີອຸນຫະພູມສູງສຸດແມ່ນ ທ່າແຂກ 34,4 ອົງສາ.

ไม่มีคำอธิบายรูปภาพ

ພາກໃຕ້: ອາກາດເຢັນ, ພ້ອມມີໝອກບາງປົກຫຸ້ມຢູ່ທົ່ວໄປໃນຕອນເຊົ້າ. ອຸນຫະພູມ ລະຫວ່າງ 17-31 ອົງສາ. ເຂດທີ່ມີອຸນຫະພູມຕໍ່າສຸດແມ່ນ ນິຄົມ 34 ຢູ່ທີ່ 10 ອົງສາ ແລະ ເຂດທີ່ມີອຸນຫະພູມສູງສຸດແມ່ນ ປາກເຊ 35,4 ອົງສາ.

ไม่มีคำอธิบายรูปภาพ