ແຂວງຄຳມ່ວນ ມີບ່ອນໃດໃຫ້ທ່ຽວແດ່?

1009

ຄຳມ່ວນເປັນແຂວງໜຶ່ງທີ່ມີເງື່ອນໄຂເອື້ອອຳນວຍຮອບດ້ານໃນການພັດທະນາ ແລະ ສົ່ງເສີມການທ່ອງທ່ຽວ, ຫຼາຍປີທີ່ຜ່ານມາແຂວງຄຳມ່ວນ ໄດ້ສຸມໃສ່ວຽກງານການພັດທະນາ ແລະ ສົ່ງເສີມການທ່ອງທ່ຽວຢ່າງຈິງຈັງ ແລະ ໄດ້ຮັບໝາກຮັບຜົນເປັນຢ່າງດີ. ສະພາບການທ່ອງທ່ຽວຂອງແຂວງຄຳມ່ວນເຫັນວ່າມີລັກສະນະຢູ່ໃນຈັງຫວະທີ່ຂະຫຍາຍຕົວຢ່າງຕໍ່ເນື່ອງ ແລະ ດີຂຶ້ນເປັນບາດກ້າວຢ່າງມີສະຖຽນລະພາບ, ຈຳນວນນັກທ່ອງທ່ຽວທັງພາຍໃນ ແລະ ຕ່າງປະເທດເດີນທາງເຂົ້າມາທ່ອງທ່ຽວແຂວງຄຳມ່ວນນັບມື້ນັບເພີ່ມຂຶ້ນ.

ແຂວງຄໍາມ່ວນ ຕັ້ງຢູ່ພາກກາງ ຂອງ ສປປ ລາວ ເຊິ່ງມີຊາຍແດນທາງທິດເໜືອຕິດກັບ ແຂວງບໍລິຄໍາໄຊ, ທິດໃຕ້ຕິດກັບແຂວງສະຫວັນນະເຂດ, ທິດຕາເວັນອອກຕິດກັບແຂວງຮ່າຕິ່ງ – ກວາງບິ່ງ (ສສ. ຫວຽດນາມ) ແລະ ທິດຕາເວັນຕົກຕິດກັບແຂວງນະຄອນພະນົມ (ປະເທດໄທ). ແຂວງຄຳມ່ວນມີເນື້ອທີ່ທັງໝົດ 16.315 ກິໂລຕາແມັດ ແບ່ງການປົກຄອງອອກເປັນ 9 ຕົວເມືອງ, ປະກອບດ້ວຍ: ເມືອງທ່າແຂກ, ຫີນບູນ, ເຊບັ້ງໄຟ, ໜອງບົກ, ມະຫາໄຊ, ຍົມມະລາດ, ນາກາຍ, ໄຊບົວທອງ ແລະ ບົວລະພາ. ມີປ່າສະຫງວນແຫ່ງຊາດ 3 ແຫ່ງ, ມີເນື້ອທີ່ ລວມທັງໝົດ 584.200 ເຮັກຕາ ໃນນັ້ນປະກອບດ້ວຍ: ປ່າສະຫງວນແຫ່ງຊາດນາກາຍ-ນ້ຳເທີນ ກວມເອົາເນື້ອທີ່: 352.200 ເຮັກຕາ, ປ່າສະຫງວນແຫ່ງຊາດພູຫີນໜາມໜໍ່ ກວມເອົາເນື້ອທີ່: 82.000 ເຮັກຕາ ແລະ  ປ່າສະຫງວນແຫ່ງຊາດພູຫີນປູນ ກວມເອົາເນື້ອທີ່: 150.000 ເຮັກຕາ ທີ່ສະແດງໃຫ້ເຫັນເຖິງຄວາມອຸດົມສົມບູນທາງດ້ານທໍາມະຊາດຊີວະນາໆພັນເປັນບ່ອນຢູ່ຂອງສັດປ່າຫາຍາກນາໆຊະນິດເຊັ່ນ: ເສົາລາ, ຊ້າງປ່າ, ຂະຍຸ (ໜູຫີນລ້ານປີ) ພູຜາປ່າໄມ້, ແມ່ນ້ຳລຳເຊຕ່າງໆ (ແມ່ນ້ຳຂອງ, ນ້ຳຫີນບູນ, ນ້ຳເທີນ, ເຊບັ້ງໄຟ ແລະ ນ້ຳໂດນ).

ในภาพอาจจะมี ท้องฟ้า, เมฆ, สถานที่กลางแจ้ง, ธรรมชาติ และน้ำ

ນອກນັ້ນ ຍັງມີວັດທະນະທໍາທີ່ຫຼາກຫຼາຍ ແລະ ປະຫວັດສາດວິລະຊົນ ພິລະອາດຫານ ເຊິ່ງສະແດງອອກໃນການຕໍ່ສູ້ບໍ່ຍອມຈໍານົນ, ການດຳລົງຊີວິດຂອງປະຊາຊົນບັນດາເຜົ່າທີ່ຍັງຮັກສາຮີດຄອງປະເພນີ ແລະ ຂະນົບທຳນຽມອັນດີງາມ, ແຫຼ່ງປູສະນີຍະສະຖານທີ່ເກົ່າແກ່ ແລະ ສວຍງາມ: ພະທາດສີໂຄດຕະບອງ, ຖ້ຳກອງລໍ, ຖ້ຳໜອງປາຝາ, ຖ້ຳນ້ຳລອດເຊບັ້ງໄຟ, ນ້ຳຕົກຕາດສະນາມ, ຂຸນນ້ຳກອງແລງ, ກຳແພງຫີນຍັກ, ເສັ້ນທາງໂຮ່ຈິມິນ ແລະ ບັນດາວັດທະນະທໍາທີ່ເປັນເອກະລັກສະ ເພາະຂອງຊາວແຂວງຄໍາມ່ວນເຊັ່ນ: ລຳມະຫາໄຊ ແລະ ອື່ນໆ.
ສຳລັບແຫຼ່ງທ່ອງທ່ຽວຢູ່ທີ່ແຂວງຄຳມ່ວນກໍມີຫຼາຍໆບ່ອນທີ່ທ່ານສາມາດໄປທຽ່ວຊົມໄດ້ເຊັ່ນ: ພະ ທາດສີໂຄດຕະບອງທ່າຝຣັ່ງ, ຖ້ຳກອງລໍ, ຖ້ຳເຊບັ້ງໄຟ, ຖ້ຳເຫີບ, ຂຸນນ້ຳໂດນ, ຖ້ຳພະຈັນ, ຖ້ຳພະຍາອິນ, ຖ້ຳນາງແອ່ນ, ຖໍ້າຊຽງລຽບ, ຖ້ຳຊ້າງ, ຖ້ຳພະໜອງປາຝາ ແລະ ອື່ນໆ.

ເມືອງທ່າແຂກ
ເປັນເທດສະບານແຂວງຄຳມ່ວນ ເມືອງທ່າແຂກ ຕັ້ງຢູ່ແຄມແມ່ນ້ຳຂອງ ແລະ ເປັນຈຸດຂ້າມຜ່ານທີ່ສຳຄັນກົງກັນຂ້າມກັບນະຄອນພະນົມປະເທດໄທ. ສະຖາປານິກຈຳນວນຫຼວງຫຼາຍໄດ້ສະທ້ອນໃຫ້ເຫັນເອກະລັກການກໍ່ສ້າງສະໄໝອານານິຄົມຝຣັ່ງໃນປີ 1911-1912 ຊື່ຂອງເມືອງທ່າແຂກເປັນພາສາລາວມີຄວາມໝາຍວ່າ ທ່າຈອດເຮືອຂອງແຂກຕ່າງປະເທດ ຫຼື ພໍ່ຄ້າຕ່າງປະເທດໃນສະໄໝສົງຄາມອິນດູຈີນຄັ້ງທີ 2, ທ່າແຂກກາຍເປັນສູນກາງຍຸດທະສາດອັນສຳຄັນ, ໃຈກາງເມືອງທ່າແຂກແມ່ນເຂດບໍລິເວນນ້ຳພຸໃກ້ກັບແມ່ນ້ຳຂອງຢູ່ທີ່ນັ້ນຍັງມີຕຶກອາຄານແບບຝຣັ່ງເຫຼືອຢູ່ເປັນຈຳນວນຫຼວງຫຼາຍຢູ່ໃນເຂດບໍລິເວນນັ້ນທ່ານຍັງສາມາດເຫັນຕົວເມືອງທີ່ພໍ່ຄ້ານຳໃຊ້ມາຮອດປະຈຸບັນນີ້.

ในภาพอาจจะมี ท้องฟ้า, บ้าน, ต้นไม้ และสถานที่กลางแจ้ง

ພະທາດສີໂຄດຕະບອງ:
ພະທາດສີໂຄດຕະບອງ ເປັນສາສະໜາສະຖານທີ່ມີຄວາມສັກສິດແຫ່ງໜຶ່ງຂອງ ສປປ ລາວ ຊຶ່ງຖືກສ້າງຂຶ້ນໃນສະໄໝອານາຈັກສີໂຄດຕະບອງ (ສັດຕະວັດທີ 6-8) ເປັນບ່ອນເກັບມ້ຽນອະທິຂອງພະພຸດ ທະເຈົ້າ, ເຈົ້າຊີວິດໂພທິສາລາດໄດ້ທຳການປະຕິສັງຂອນທາດ ແລະ ຕິດດອກບົວໃສ່ຈອມທາດໃນສະຕະ ວັດທີ 16. ເຈົ້າໄຊເສດຖາທິລາດໄດ້ປະຕິຮູບຮູບຊົງຂອງພະທາດໃຫ້ເປັນຮູບທີ່ເຫັນໃນປະຈຸບັນນີ້. ສ່ວນ ອື່ນໆແມ່ນສ້າງຂຶ້ນໃນຊຸມປີ 1950, ຕໍ່ມາໃນປີ 1970 ກໍ່ໄດ້ມີການກໍ່ສ້າງເພີ່ມ. ໃນມື້ເດືອນເພັງຂອງເດືອນກຸມພາ (ກົງກັບເດືອນສາມຕາມປະຕິທິລາວ) ໄດ້ມີການສະເຫຼີມສະຫຼອງບຸນພະທາດສີໂຄດຕະບອງເປັນເວລາຫຼາຍວັນເພື່ອເປີດໃຫ້ມວນຊົນເຂົ້າສັກກາລະບູຊາ. ການສະຫຼອງບຸນປີໃໝ່ລາວໄດ້ຈັດຂຶ້ນໃນເດືອນເມສາຂອງທຸກໆປີໃນລະຫວ່າງ ວັນທີ 13-15 ໃນງານບຸນດັ່ງກ່າວໄດ້ມີການແຫ່ນາງສັງຂານຫົດສົງນ້ຳ ແລະ ບາສີສູ່ຂວັນຕາມປະເພນີ.

ในภาพอาจจะมี เมฆ, ท้องฟ้า และสถานที่กลางแจ้ง


ກຳແພງຍັກ
ອີງຕາມນະວະນິຍາຍໄດ້ເວົ້າວ່າກຳແພງນີ້ເອີ້ນວ່າກຳແພງຍັກສ້າງຂຶ້ນໃນສະໄໝອານາຈັກສີໂຄດຕະບອງ ເຊິ່ງບາງຄົນກໍ່ເວົ້າວ່າ ເຖິງມັນຈະເກີດຂຶ້ນເອງຕາມທຳມະຊາດແຕ່ມັນກໍ່ສາມາດປະສົມປະສານເປັນລະບົບປ້ອງກັນໃນຍຸກສະໄໝນັ້ນ. ເປັນສະຖານທີ່ ທີ່ຄວນໄປຢ້ຽມຢາມ, ກຳແພງຍັກຕັ້ງຢູ່ຫ່າງຈາກຕົວເມືອງທ່າແຂກໄປທາງທິດເໜືອ 8 ກິໂລແມັດຕາມເສັ້ນທາງເລກທີ່ 13D.

ในภาพอาจจะมี ต้นพืช, ต้นไม้, สถานที่กลางแจ้ง, ธรรมชาติ และน้ำ

ຖ້ຳພະໜອງປາຝາ

ຖໍ້າປາຝາຖືກຄົ້ນພົບໃນເດືອນ 4 ປີ 2004 ໂດຍພໍ່ເຖົ້າບຸນນົງຊາວບ້ານໆນາຂ້າງຊ້າງ. ຢູ່ທາງໃນມີພະພຸດທະຮູບຈຳນວນ 229 ອົງ. ຖໍ້າແຫ່ງນີ້ຕັ້ງຢູ່ໃກ້ກັບບ້ານນາຂ້າງຊ້າງ ຫ່າງຈາກຕົວເມືອງທ່າແຂກໄປທາງທິດຕາເວັນອອກສ່ຽງເໜືອປະມານ 14 ກິໂລແມັດ.

ในภาพอาจจะมี 2 คน, ผู้คนกำลังนั่ง, รองเท้า และสถานที่กลางแจ้ง

ຖ້ຳເຊບັ້ງໄຟ

ເປັນຖ້ຳນ້ຳລອດອີກແຫ່ງໜຶ່ງຂອງແຂວງຄຳມ່ວນທີ່ມີຄວາມສວຍງາມ ແລະ ມີຄວາມກ້ວາງໃຫຍ່ກວ່າບັນດາຖ້ຳອື່ນໆໃນຂອບເຂດນີ້. ຖ້ຳດັ່ງກ່າວນີ້ມີນ້ຳເຊບັ້ງໄຟໄຫຼຜ່ານມີຄວາມຍາວເຖິງ 9,5 ກິໂລແມັດ, ຖ້ຳນ້ຳລອດເຊບັ້ງໄຟຕັ້ງຢູ່ທາງດ້ານຕາເວັນອອກສ່ຽງເໜືອຂອງເມືອງບົວລະພາ.

ในภาพอาจจะมี สถานที่กลางแจ้ง และธรรมชาติ

ຖ້ຳຊຽງລຽບ
ປາກຖ້ຳທີ່ສວຍງາມນີ້ຢູ່ຕີນຜາຫີນ ເຊິ່ງມີລວງສູງ 30 ແມັດ. ຄຳວ່າ: “ຊຽງ” ໝາຍຄວາມວ່າຜູ້ທີ່ເຄີຍບວດເປັນສຳມະເນນ ແລະ “ລຽບ” ໝາຍຄວາມວ່າ: ຍ່າງອ້ອມ. ຕາມນິທານໄດ້ເລົ່າວ່າແຕ່ກ່ອນມີຊຽງນ້ອຍຜູ້ໜຶ່ງມັກລູກສາວພະລືສີ ລາວໄດ້ຍ່າງອ້ອມບໍລິເວນນັ້ນເພື່ອຫາໂອກາດເຂົ້າໄປຫານາງຢູ່ໃນຖ້ຳ. ປະຈຸບັນນີ້ຢູ່ໃນຖ້ຳດັ່ງກ່າວເປັນບ່ອນອາໄສຂອງປາຝາ ແລະ ຝູງເຈຍ. ຖ້ຳນີ້ຕັ້ງຢູ່ຫ່າງຈາກເມືອງທ່າແຂກໄປທາງທິດຕາເວັນອອກສຽງເໜືອ 14 ກິໂລແມັດຕາມເສັ້ນທາງເລກທີ 12 ຢູ່ໃກ້ກັບບ້ານສອງຄອນ.

ในภาพอาจจะมี สถานที่กลางแจ้ง, ธรรมชาติ และน้ำ

ຖ້ຳກອງລໍ:
ເປັນແຫຼ່ງທ່ອງທ່ຽວມະຫັດສະຈັນແຫ່ງໜຶ່ງຂອງແຂວງຄຳມ່ວນ; ຖ້ຳກອງລໍມີລວງຍາວ 7,5 ກິ ໂລແມັດ. ທ່ານສາມາດນ່ັງເຮືອເຂົ້າໄປຊົມຄວາມສວຍງາມຢູ່ໃນຖ້ຳໄດ້ຍ່າງສະດວກສະບາຍ. ການໄປຢ້ຽມ ຢາມຖ້ຳກອງລໍຄວນໄປນອນຢູ່ເຮືອນພັກບ້ານນາຕານ ຫຼື ບ້ານກອງລໍ. ນອກນັ້ນຍັງມີເຮືອນພັກສາລາຫີນ ບູນ ແລະ ເຮືອນພັກບ້ານຄູນຄຳ (ບາງຄົນເອີ້ນວ່າບ້ານນາຫີນ) ເຊິ່ງເປັນປະຕູດ່ານເຂົ້າໄປຫາຖ້ຳກອງລໍ, ຈາກເສັ້ນທາງເລກທີ 13 ເຂົ້າໄປທາງເລກ 8 ຮອດບ້ານຄູນຄຳຈາກນັ້ນທ່ານອາດຈະຂີ່ເຮືອ ຫຼື ລົດໄປທາງບ້ານກອງລໍ.

ในภาพอาจจะมี ต้นไม้, กลางคืน, สถานที่กลางแจ้ง, น้ำ และธรรมชาติ

ນອກຈາກສະຖານທີ່ທ່ອງທ່ຽວທີ່ກ່າວມານັ້ນແລ້ວ ແຂວງຄຳມ່ວນ ຍັງມີແຫຼ່ງທ່ອງທ່ຽວອີກຫຼາຍບ່ອນທີ່ຍັງຄອຍຖ້ານັກທ່ອງທ່ຽວໄປສຳພັດ. ສອງປີທີ່ຜ່ານມາ ແຂວງຄຳມ່ວນມີນັກທ່ອງທ່ຽວເຂົ້າມາຢ້ຽມຢາມ ຄາດຫຼາຍກວ່າ 600.000 ຄົນ. ປັດຈຸບັນມີສິ່ງອຳນວຍ​ຄວາມ​ສະດວກ​ໃຫ້​ນັກ​ທ່ອງ​ທ່ຽວ ເປັນຕົ້ນແມ່ນດ້ານທີ່ພັກໂຮງແຮມມີທັງໝົດ 21 ​ແຫ່ງ, ເຮືອນ​ພັກ 102 ​ແຫ່ງ, ຣິ​ສອດ​ 5 ແຫ່ງ, ຮ້ານ​ອາຫານ 109 ​ແຫ່ງ ​ແລະ ຮ້ານ​ກິ​ນດື່ມ 135 ​ແຫ່ງ, ບໍລິສັດທ່ອງທ່ຽວມີ 4 ບໍລິສັດ.

ເມື່ອປີ 2018 ຜ່ານມາ ແຂວງຄຳມ່ວນຍັງໄດ້ມີການປັບປຸງຄຸນນະພາບຂອງການບໍລິການໃນຫຼາຍໆດ້ານເພື່ອຮັບໃຊ້ໃນປີທ່ອງທ່ຽວລາວ, ເປັນຕົ້ນແມ່ນການປັບປຸງຂອດບໍລິການໂຮງແຮມ, ເຮືອນພັກ ແລະ ຮ້ານອາຫານ; ປັບປຸງຫົວໜ່ວຍທຸລະກິດນຳທ່ຽວ, ສາຂາບໍລິສັດນຳທ່ຽວ, ບັນດາໜ່ວຍບໍລິການນຳທ່ຽວຊຸມຊົນ; ປັບປຸງການຂົນສົ່ງທ່ອງທ່ຽວໃຫ້ມີຄວາມສະດວກສະບາຍ, ປັບປຸງແຫຼ່ງທ່ອງທ່ຽວໃຫ້ມີຄວາມສະອາດສວຍງາມຮັບປະກັນຄວາມປອດໄພ ພ້ອມກັນນັ້ນກໍຍັງໄດ້ມີການເພີ່ມທັກສະໃຫ້ກັບບຸກຄະລາກອນໃນຂະແໜງທ່ອງທ່ຽວ, ປະສານສົມທົບກັບຂະແໜງການຕ່າງໆ, ອຳນາດການປົກຄອງ, ປັບປຸງນິຕິກຳ ແລະ ລາຍການ ອື່ນໆ.