ເສຍຊີວິດ 556 ຄົນ ຈາກເຫດການຍົນຕົກທົ່ວໂລກ ໃນປີ 2018 ຜ່ານມາ

231

ມີຜູ້ເສຍຊີວິດ 556 ຄົນ ຈາກອຸບັດຕິເຫດຍົນຕົກ 15 ຄັ້ງ ໃນປີ 2018 ເຊິ່ງເປັນຈຳນວນສູງກວ່າປີກ່ອນໜ້ານີ້ຫຼາຍ ແຕ່ແນວໂນ້ມໃນໄລຍະຍາວອາດຈະບົ່ງຊີ້ວ່າ ການເດີນທາງດ້ານການບິນມີຄວາມປອດໄພຫຼາຍຂຶ້ນ.

ສໍານັກຂ່າວເອເອັຟພີລາຍງານຈາກນະຄອນເຮກ ປະເທດໂຮນລັງ ເມື່ອວັນພຸດ ທີ 2 ມັງກອນ ວ່າ ລາຍງານຂອງອົງກອນສັງເກດການກວດກາການບິນ ເອວິເອຊັນ ເຊຟຕີ ເນັດເວີກ (ASN: Aviation Safety Network) ແຫ່ງນະຄອນເຮກ ລະບຸວ່າ ປີ 2017 ເປັນປີທີ່ປອດໄພທີ່ສຸດໃນປະວັດສາດການບິນ ເນື່ອງຈາກມີຜູ້ເສຍຊີວິດພຽງ 44 ຄົນ ທົ່ວໂລກ ຈາກອຸບັດເຫດດ້ານການບິນ 10 ຄັ້ງ ແຕ່ປີທີ່ຜ່ານມາ ມີຜູ້ ເສຍຊີວິດ 556 ຄົນ ຈາກຍົນຕົກ 15 ຄັ້ງ ເຊິ່ງກໍ່ຍັງເປັນປີທີ່ປອດໄພທີ່ສຸດ ອັນດັບ 3 ໃນຈໍານວນຄັ້ງທີ່ທີ່ເກີດອຸບັດຕິເຫດ ແລະ ປອດໄພທີ່ສຸດເປັນອັນດັບ 9 ໃນຈໍານວນຜູ້ເສຍຊີວິດ.

ในภาพอาจจะมี 2 คน, กลางคืน, รองเท้า และสถานที่กลางแจ้ง

ທ່ານ ແຮໂຣ ແຣນເທີ ຫົວໜ້າຄະນະຜູ້ບໍລິຫານຂອງ ເອເອັສເອັນ ກ່າວວ່າ ຖ້າອັດຕາການເກີດອຸບັດຕິເຫດກ່ຽວກັບຍົນເມື່ອ 10 ປີກ່ອນ ປີທີ່ຜ່ານມາຈະມີຍົນຕົກ 39 ຄັ້ງ ການປຽບທຽບດັ່ງກ່າວນີ້ ສະແດງໃຫ້ເຫັນວ່າມີຄວາມຄືບໜ້າຫຼາຍຢ່າງ ໃນດ້ານຂອງຄວາມປອດໄພໃນການໃຊ້ບໍລິການທາງອາກາດ.

ອຸບັດຕິເຫດຍົນຕົກ 3 ໃນ 15 ຄັ້ງ ຂອງປີທີ່ຜ່ານມາ ກ່ຽວພັນກັບສາຍການບິນທີ່ຖືກສະຫະພາບເອີຣົບ (EU:  European Union) ຂຶ້ນບັນຊີດໍາ.

ในภาพอาจจะมี หนึ่งคนขึ้นไป และสถานที่กลางแจ้ง

ການກວດກາຢ້ອນຫຼັງ 5 ປີ ຫຼ້າສຸດ ສະແດງໃຫ້ເຫັນວ່າການສູນເສຍການຄວບຄຸມຄື ສາເຫດຫຼັກຂອງເຫດການຍົນຕົກ ດ້ວຍຈໍານວນ 10 ໃນ 25 ຄັ້ງ ຂອງອຸບັດຕິເຫດຮ້າຍແຮງສຸດ.
ປີ 2018 ຜ່ານມາ ອຸບັດຕິເຫດຍົນຕົກ ຄັ້ງຮ້າຍແຮງສຸດຄືຍົນໂບອິ້ງ 737 ສາຍການບິນໄລອ້ອນ ແອຣ໌ຂອງອິນໂດເນເຊຍ ຕົກລົງທະເລນອກຊາຍຝັ່ງຂອງເກາະຊະວາ ເມື່ອວັນທີ 29 ຕຸລາ ເຮັດໃຫ້ຜູ້ໂດຍສານເສຍຊີວິດໝົດລໍາ 189 ຄົນ, ຕາມດ້ວຍໂບອິ້ງ 737 ສາຍການບິນໂກລບອລ ແອຣ໌ຕົກໃກ້ສະໜາມບິນນະຄອນຫຼວງຮາວານາ ປະເທດຄິວບາ ມີຜູ້ເສຍຊີວິດ 112 ຄົນ ເມື່ອວັນທີ 18 ພະຈິກ ແລະ ຍົນແອນໂຕນັອຟ-148 ສາຍການບິນຊາຣາຕອຟ ແອຣ໌ລາຍ ຂອງຣັສເຊຍຕົກ ຫຼັງບິນຂຶ້ນຈາກສະໜາມບິນນະຄອນຫຼວງມອສໂກ ເມື່ອວັນທີ 11 ກຸມພາ ເຮັດໃຫ້ຜູ້ໂດຍສານ 65 ຄົນ ແລະ ລູກເຮືອ 6 ຄົນ ເສຍຊີວິດທັງໝົດ.

ในภาพอาจจะมี สถานที่กลางแจ้ง