ເຈົ້າໜ້າທີ່ອາເມຣິກາຍິງແກ໊ສນ້ໍາຕາຄວບຄຸມສະຖານະການຕາມເຂດຊາຍແດນ

285

ເຈົ້າໜ້າທີ່ໜ່ວຍງານລາດຕະເວນເຂດຊາຍແດນອາເມຣິກາຍິງແກ໊ສນ້ໍາຕາຕາມເຂດຊາຍແດນດ້ານໜຶ່ງໃນທິດຕາເວັນຕົກ ເພື່ອຄວບຄຸມສະຖານະການຈາກຜູ້ອົບພະຍົບກຸ່ມໜຶ່ງທີ່ພະຍາຍາມຂ້າມຊາຍແດນ ແລະ ຂວ່າງສິ່ງຂອງຕ່າງໆໃສ່ເຈົ້າໜ້າທີ່.

ສໍານັກຂ່າວຕ່າງປະເທດລາຍງານຈາກເມືອງຊານດິເອໂກ ປະເທດອາເມຣິກາ ເມື່ອວັນອັງຄານ ທີ 1 ມັງກອນ ວ່າ ໜ່ວຍງານລາດຕະເວນເຂດຊາຍແດນອາເມຣິກາ ຢູເອັສບີພີ (USBP: United States Border Patrol) ອອກຖະແຫຼງການເລື່ອງການໃຊ້ແກ໊ສນ້ໍາຕາຕາມແລວເຂດຊາຍແດນ ທາງທິດຕາເວັນຕົກສຽງໃຕ້ ຂອງລັດແຄລິຟໍເນຍ ລະຫວ່າງ ເມືອງຊານດິເອໂກ ກັບ ເມືອງຕີຮົວນາ ເມືອງເອກຂອງລັດບາຮາກາລິຟໍເນຍ ເມື່ອກາງຄືນວັນອັງຄານ ຕາມເວລາທ້ອງຖິ່ນ ເພື່ອຄວບຄຸມ “ກຸ່ມຜູ້ກໍ່ຄວາມຮຸນແຮງ” ປະມານ 150 ຄົນ ທີ່ມີທັງຄວາມພະຍາຍາມລັກລອບຂ້າມຊາຍແດນ ຄວບຄູ່ໄປກັບການຂວ່າງສິ່ງຂອງລວມທັງກ້ອນຫິນ ໃສ່ເຈົ້າໜ້າທີ່ ພ້ອມທັງຢືນຢັນວ່າປະຕິບັດການດັ່ງກ່າວຂອງ USBP ເປັນໄປຕາມກົດໝາຍທຸກປະການ.

ในภาพอาจจะมี 2 คน, ผู้คนกำลังยืน, ภูเขา, สถานที่กลางแจ้ง และธรรมชาติ
ในภาพอาจจะมี สถานที่กลางแจ้ง

ທາງດ້ານກະຊວງການຕ່າງປະເທດຂອງເມັກຊິໂກ ໄດ້ອອກຖະແຫຼງການສະແດງຄວາມເສຍໃຈຕໍ່ເຫດການດັ່ງກ່າວ ເຊິ່ງເປັນຄັ້ງທີ 2 ພາຍໃນ ໄລຍະບໍ່ເຖິງ 2 ເດືອນ ທີ່ໜ່ວຍງານ ຢູເອັສບີພີ ໃຊ້ແກ໊ສນ້ຳຕາກັບຄາລາວານຜູ້ອົບພະຍົບ ທີ່ປັກຫຼັກເພື່ອຖ້າຂ້າມຊາຍແດນຢູ່ດ່ານບໍລິເວນເມືອງຕີຮົວນາ ເຊິ່ງເປັນຈຸດຜ່ານແດນຂະໜາດໃຫຍ່ ໂດບການໃຊ້ແກ໊ສນ້ຳຕາຂອງ ຢູເອັສບີພີ ເມື່ອທ້າຍເດືອນພະຈິກ ປີຜ່ານມາ ເກີດຂຶ້ນລະຫວ່າງຄວາມວຸ້ນວາຍ ແລະ ຕຶງຄຽດ ເຖິງຂັ້ນລັດຖະບານອາເມຣິກາສັ່ງປິດຊາຍແດນຫຼາຍຊົ່ວໂມງ ແລະ ເຈົ້າໜ້າທີ່ຂອງເມັກຊິໂກບາງສ່ວນຈຳເປັນຕ້ອງໃຊ້ເວລາຂ້າມຊາຍແດນມາອາເມຣິກາຫຼາຍນາທີ ເພື່ອໄລ່ຈັບຜູ້ອົບພະຍົບຫຼາຍຮ້ອຍຄົນ ກ່ອນເນລະເທດກັບຖິ່ນຖານ.

ในภาพอาจจะมี เมฆ, ท้องฟ้า และสถานที่กลางแจ้ง
ในภาพอาจจะมี ท้องฟ้า, ภูเขา, เมฆ, สถานที่กลางแจ้ง และธรรมชาติ

ທັງນີ້ ຢູເອັສບີພີ ເປັນໜຶ່ງໃນໜ່ວຍງານສັງກັດຂອງລັດຖະບານກາງ ທີ່ຍັງຕ້ອງປະຕິບັດໜ້າທີ່ຕາມປົກກະຕິ ເຖິງວ່າປະເທດຢູ່ໃນພາວະການຊັດດາວ (Shutdown) ທີ່ຍືດເຍື້ອມາຕັ້ງແຕ່ວັນທີ່ 22 ທັນວາ ປີຜ່ານມາ ຈາກການທີ່ທຳນຽບຂາວ ແລະ ແກນນໍາສະພາຄອງເກຣສ ທັງຈາກພັກຣີພັບລິກັນ ແລະ ພັກເດໂມແຄຣັດ ຍັງບໍ່ສາມາດບັນລຸຂໍ້ຕົກລົງເລື່ອງການຈັດສັນງົບປະມານສໍາລັບການກໍ່ສ້າງ “ກໍາແພງ” ຕາມຄວາມຕ້ອງການຂອງ ໂທນັລ ທຣຳ ໄດ້ ແລະ ຜູ້ນໍາອາເມຣິກາຢືນຢັນວ່າ ຕົນຈະບໍ່ລົງນາມໃນກົດໝາຍງົບປະມານທີ່ລະບຸງົບປະມານກໍ່ສ້າງກໍາແພງງວດທໍາອິດ “ທີ່ຕ່ໍາກວ່າ 5 ຕື້ໂດລາ (ກວ່າ 42 ພັນຕື້ກີບ).

ในภาพอาจจะมี หนึ่งคนขึ้นไป, กลางคืน, เมฆ, ท้องฟ้า, ภูเขา, สถานที่กลางแจ้ง และธรรมชาติ