ນາຊາ ສະແດງຮູບພາບ “ອັລຕິມາ ທູລີ” ວັດຖຸໄກສຸດຂອບລະບົບສຸລິຍະ

270

ນາຊາເຜີຍຮູບຖ່າຍໃກ້ທີ່ສຸດຮູບທໍາອິດຂອງ “ອັລຕິມາ ທູລີ” ວັດຖຸທີ່ມີອຸນຫະພູມເຢັນຫຼາຍ ຮູບຮ່າງຄ້າຍຖົ່ວດິນ ເຊິ່ງລອຍຢູ່ໃນເຂດຮອບນອກຂອງລະບົບສຸລິຍະ ຖ່າຍໂດຍຍານສໍາຫຼວດ “ນິວ ຮໍໄຣຊອນສ໌”.

ສໍານັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ປະເທດສະຫະລັດ ອາເມຣິກາ ເມື່ອວັນອັງຄານ ທີ 1 ມັງກອນ ວ່າ ອົງການບໍລິຫານການບິນ ແລະ ອາວະກາດແຫ່ງຊາດຂອງອາເມຣິກາ (NASA:  National Aeronautics and Space Administration) ອອກຖະແຫຼງການເມື່ອວັນອັງຄານ ວ່າ ສະຖານະປັດຈຸບັນຂອງຍານສໍາຫຼວດ ນິວ ຮໍໄຣຊອນສ໌ (New Horizons) ຢູ່ຫ່າງຈາກໂລກ ປະມານ 6.500 ລ້ານກິໂລແມັດ ເດີນທາງເຂົ້າສູ່ບໍລິເວນທີ່ເອີ້ນວ່າ “ຂອບເຂດ ໄຄເປີ “(Kuiper Belt) ເຊິ່ງເປັນຂອບດ້ານນອກຂອງລະບົບສຸລິຍະຮອບນອກ ຫ່າງໄກຈາກດາວເນບຈູນອອກໄປອີກ ມີລັກສະນະຄ້າຍແຖບດາວເຄາະນ້ອຍ ເຊິ່ງອົງປະກອບສ່ວນໃຫຍ່ເປັນນ້ໍາກ້ອນ.

ในภาพอาจจะมี 1 คน, กำลังยืน และข้อความ

ທັງນີ້ ການເດີນທາງເຂົ້າສູ່ບໍລິເວນດັ່ງກ່າວຂອງຍານ ນິວ ຮໍໄຣຊອນສ໌ ເກີດຂຶ້ນຫຼັງການບິນຜ່ານວັດຖຸເຢັນຫຼາຍ ຊື່ວ່າ “ອັລຕິມາ ທູລີ” (Ultima Thule) ຮູບຮ່າງຄ້າຍຖົ່ວດິນ ມີເສັ້ນຜ່ານສູນກາງປະມານ 32 ກິໂລແມັດ ເຊິ່ງລອຍຢູ່ຫ່າງຈາກດາວພລູໂຕໄປອີກ 1.600 ລ້ານກິໂລແມັດ ເມື່ອວັນອັງຄານ ທີ 1 ມັງກອນ ຕາມເວລາມາດຕະຖານສາກົນ ໂດຍຍານນິວ ຮໍໄຣຊອນສ໌ ສາມາດບັນທຶກພາບຂອງອັລຕິມາ ທູລີ ໃນໄລຍະຫ່າງພຽງ 3.500 ກິໂລແມັດ ຖືວ່າໃກ້ທີ່ສຸດເທົ່າທີ່ເຄີຍເຮັດໄດ້ ນັບຕັ້ງແຕ່ຍານສໍາຫຼວດສາມາດເຂົ້າສູ່ວົງໂຄຈອນຂອງດາວພລູໂຕໄດ້ສໍາເລັດ ເມື່ອປີ 2015 ຫຼັງຈາກນັ້ນ ຍານນິວ ຮໍໄຣຊອນສ໌ ໃຊ້ເວລາ 8 ຊົ່ວໂມງ ກັບອີກ 6 ນາທີ ໃນການສົ່ງຂໍ້ມູນດັ່ງກ່າວ ໃນຮູບແບບຂອງຄື້ນວິທະຍຸກັບມາໃຫ້ສູນປະຕິບັດການທີ່ໂລກ ເຖິງວ່າຮູບພາບທໍາອິດຍັງບໍ່ຊັດແຈ້ງ ແຕ່ທາງນາຊາກໍ່ເຊື່ອວ່າຈະໄດ້ຮູບທີ່ແຈ້ງກວ່ານີ້ພາຍໃນເດືອນກຸມພາ.

ไม่มีข้อความกำกับภาพอัตโนมัติ
ในภาพอาจจะมี 1 คน, ข้อความ

ອີກປະການໜຶ່ງ ນາຊາເຊື່ອວ່າບໍລິເວນຂອບເຂດໄຄເປີ ຍັງມີວັດຖຸຄ້າຍກັບອັລຕິມາ ທູລີ ລອຍຢູ່ໃນແຖບໄຄເປີ ອີກຫຼາຍຮ້ອຍອັນ ແລະ ອາດຊ່ວຍໃຫ້ນາຊາໄຂປິດສະໜາການກໍ່ຕົວຂອງລະບົບສຸລິຍະທີ່ເກີດຂຶ້ນ ເມື່ອປະມານ 4.600 ລ້ານປີ ທີ່ຜ່ານມາໄດ້ ໂດຍນາຊາປະເມີນວ່າຍານນິວ ຮໍໄຣຊອນສ໌ ຈະສາມາດບັນທຶກພາບວັດຖຸລັກສະນະນີ້ ແລ້ວທະຍອຍສົ່ງກັບມາຫາໂລກ ແລະ ການດາວໂຫຼດຂໍ້ມູນທັງໝົດອາດຈະແລ້ວສຳເລັດໄດ້ ພາຍໃນປີ 2020.

ในภาพอาจจะมี 4 คน

ສໍາລັບໂຄງການສໍາຫຼວດດາວພລູໂຕຂອງນາຊາ ໂດຍຍານນິວ ຮໍໄຣຊອນສ໌ ເປັນສ່ວນໜຶ່ງຂອງໂຄງການສໍາຫຼວດອາວະກາດ ໃນຊື່ “ພົມແດນໃໝ່” ທີ່ລວມເຖິງການສົ່ງຍານອອກໄປສໍາຫຼວດດາວພະຫັດ ແລະ ດາວສຸກ ໂດຍໃນສ່ວນຂອງຍານນິວ ຮໍໄຣຊອນສ໌ ນັ້ນ ນາຊາໃຊ້ງົບປະມານໃນການກໍ່ສ້າງ ປະມານ 700 ລ້ານໂດລາ () ແລະ ຍານອອກເດີນທາງຈາກໂລກ ເມື່ອວັນທີ 19 ມັງກອນ 2006 ກ່ອນເດີນທາງຜ່ານດາວພະຫັດ ເມື່ອວັນທີ 28 ກຸມພາ 2007 ໂດຍອາໄສແຮງໂນ້ມຖ່ວງຂອງດາວພະຫັດເປັນຕົວຊ່ວຍໃນການເຂົ້າສູ່ວົງໂຄຈອນ.

ในภาพอาจจะมี ข้อความ