ເກີດເຫດລົດຕູ້ນ້ອຍແລ່ນຕຳຄົນຍ່າງຢູ່ຫົນທາງ ໃນໂຕກຽວ ມີຜູ້ບາດເຈັບ 8 ຄົນ

205

ລົດຕູ້ນ້ອຍ ຫຼື ມິນິແວນ ແລ່ນຕຳຄົນຍ່າງຕາມຫົນທາງ ເມື່ອເຊົ້າມືດວັນອັງຄານ ຂະນະທີ່ ຄົນກຳລັງຍ່າງໄປສະຫຼອງຕ້ອນຮັບປີໃໝ່ ໃນເຂດໃຈກາງເມືອງນະຄອນຫຼວງໂຕກຽວ ປະເທດຍີ່ປຸ່ນ.

ສໍານັກຂ່າວເອພີລາຍງານຈາກ ນະຄອນຫຼວງໂຕກຽວ ປະເທດຍີ່ປຸ່ນ ເມື່ອວັນອັງຄານ ທີ 1 ມັງກອນ ວ່າ ລົດມິນິແວນຄັນໜຶ່ງ ມີຄົນຂັບເປັນຊາຍໜຸ່ມ ອາຍຸປະມານ 20 ປີ ໄດ້ຂັບແລ່ນເຂົ້າໄປຕໍາກຸ່ມຄົນທີ່ຍ່າງຕາມຫົນທາງ ຂະນະກຳລັງພາກັນຍ່າງໄປສະເຫຼີມສະຫຼອງຕ້ອນຮັບປີໃໝ່ສາກົນ ໃນເຂດໃຈກາງເມືອງນະຄອນຫຼວງໂຕກຽວ ເມື່ອໄລຍະເຊົ້າມືດຂອງວັນອັງຄານ ທີ 1 ມັງກອນ ເຮັດໃຫ້ມີຜູ້ໄດ້ຮັບບາດເຈັບ 8 ຄົນ ຕໍາຫຼວດໄດ້ຄວບຄຸມຕົວຄົນຂັບລົດແລ້ວ ໂດຍຕັ້ງຂໍ້ສົງໄສວ່າຜູ້ກ່ຽວມີເຈຕະນາ ຂັບລົດແລ່ນໄປຕຳກຸ່ມຄົນຜູ້ເຄາະຮ້າຍດັ່ງກ່າວ ສ່ວນຖະໜົນເສັ້ນທີ່ເກີດເຫດນັ້ນ ເຈົ້າໜ້າທີ່ຕຳຫຼວດໄດ້ປິດການຈາລະຈອນໄປກ່ອນໜ້ານີ້ແລ້ວ ເພື່ອໃຫ້ເປັນເສັ້ນທາງໃຫ້ຄົນຍ່າງເຂົ້າໄປເຮັດກິດຈະກຳສະເຫຼີມສະຫຼອມຕ້ອນຮັບປີໃໝ່.

ในภาพอาจจะมี หนึ่งคนขึ้นไป, กลางคืน และสถานที่กลางแจ้ง

ພາບຈາກໂທລະທັດເອັນເອັຈເຄ ສະແດງໃຫ້ເຫັນດ້ານໜ້າຂອງລົດມິນິແວນ ຢູ່ໃນສະພາບເປ້ເພຍຸບ ແລະ ລົດໂຮງໝໍເລັ່ງນໍາຜູ້ບາດເຈັບສົ່ງໂຮງໝໍໂດຍດ່ວນ.

ສໍານັກຂ່າວກຽວໂດລາຍງານດ້ວຍວ່າ ມີຜູ້ບາດເຈັບຄົນທີ 9 ດ້ວຍ ແລະ ຄົນຂັບລົດມິນິແວນຖືກຈັບໂທດຖານຕ້ອງສົງໄສໃນຂໍ້ຫາພະຍາຍາມຂ້າ ແຕ່ຕໍາຫຼວດຢູ່ລະຫວ່າງການປະຕິບັດໜ້າທີ່ຈຶ່ ງບໍ່ໄດ້ຢືນຢັນການລາຍງານຂ່າວຂອງສຳນັກກຽວໂຕ.

ເຫດຮ້າຍທີ່ເກີດຂຶ້ນເທິງຖະໜົນທາເຄຊິຕະ ໂດຣິ ເຊິ່ງເປັນຖະໜົນທີ່ນັກທ່ອງທ່ຽວຮູ້ຈັກ ໂດຍສະເພາະວັດທະນະທໍາປັອບ ແລະ ແຟຊັ່ນ ກົງກັນຂ້າມກັບສະຖານີລົດໄຟຮາຣາຈູກຸ ເຂດຊິບູຢ່າ ໂດຍທຸກໆປີໃນໄລຍະສົ່ງທ້າຍປີເກົ່າຕ້ອນຮັບປີໃໝ່ ເສັ້ນທາງລົດໄຟຜ່ານສະຖານີ ຮາຣາຈູກຸ ຈະໃຫ້ບໍລິການຕະຫຼອດຄືນ ສໍາລັບຜູ້ທີ່ຕ້ອງການໄປສະຫຼອງປີໃໝ່ດ້ວຍການໄປສວດມົນເຮັດບຸນທີ່ວັດ.